Navigate Up
Sign In

Imniedi fond ta’ €750,000 sabiex l-artisti, gruppi lokali, kunsilli, NGOs, u entitajiet f’Għawdex

Reference Number: PR210325, Press Release Issue Date: Feb 16, 2021
 
Imniedi fond ta’ €750,000 sabiex l-artisti, gruppi lokali, kunsilli, NGOs, u entitajiet f’Għawdex jingħataw l-għajnuna għal inizjattivi kulturali

Il-Ministru għal Għawdex Clint Camilleri nieda l-iskema ta’ fondi għall-attivitajiet kulturali f’Għawdex, fejn għal din is-sena ġew allokati €750,000, tliet darbiet aktar mis-sena l-oħra. 

Il-Ministru Camilleri qal kif dawn il-fondi se jkomplu jsaħħu l-qasam kulturali f’Għawdex. Hawnhekk spjega li “bħala Ministeru u Gvern, anke fi sfond ta’ pandemija, ma waqqafna xejn milli nibqgħu ngħinu l-artisti u gruppi lokali biex ikomplu jimirħu u anke jipproponu diversi attivitajiet u inizjattivi kulturali f’Għawdex, minkejja li b’differenza. Barra minn hekk, fi żmien ta’ pandemija sabiex torganizza jinvolvi ħafna aktar spejjeż.” 

F’konferenza tal-aħbarijiet, hu stqarr ukoll li b’mod finanzjarju l-Ministeru għal Għawdex mhux se jieqaf milli jinkoraġixxi parteċipazzjoni kulturali attiva, jippromwovi talent lokali u anke jenfasizza l-espressjoni kreattiva tal-komunità.

Preżenti kien hemm id-Direttur tal-Wirt Kulturali fi ħdan il-Ministeru għal Għawdex is-Sur John Xuereb, li spjega li eleġibbli għal din l-iskema hemm għaqdiet volontarji, individwi jew gruppi indipendenti, entitajiet u kunsilli lokali li jkunu jridu jtellgħu attività kulturali matul din is-sena. 

Il-Ministru Clint Camilleri, filwaqt li rringrazzja lid-Direttorat tal-Wirt Kulturali f’Għawdex, tenna li dawn il-fondi se jgħinu biex jiġi mżewwaq il-kalendarju kulturali għal din is-sena skont id-Direttivi maħruġa mill-Awtoritajiet tas-Saħħa. Huwa temm jgħid li b’hekk inkomplu nippreparaw sabiex “ladarba niġu lura għan-normalità nkomplu niġbdu lejn il-gżira tagħna mijiet ta’ Maltin u anke turisti f’kull xahar tas-sena”.